Հակակոռուպցիոն դատարանում Գյումրու քաղաքապետ Վարդան Ղուկասյանի մասնակցությամբ ենթադրյալ կաշառքի գործով դատական նիստից առաջ լրագրողները նրան հարց էին ուղղել Ֆրանսիայի նախագահ Էմանուել Մակրոնի՝ Գյումրի կատարած այցի մասին։
Վարդան Ղուկասյանը խստորեն քննադատել էր Նիկոլ Փաշինյանին՝ համերգի կազմակերպման նպատակով այդքան մեծ գումար ծախսելու համար, երբ, ըստ նրա, գումրեցիները 40 տարի է՝ փտում են տնակների մեջ, իսկ քաղաքի ուղիղ կեսն ապրում է աղքատության մեջ։ Ըստ նրա, մեկ ժամվա համար ծախսված գումարով կարող էին տուն գնել մարդկանց համար ու այդ դարդ ու ցավից պրծնել։
Վարդան Ղուկասյանը անդրադարձել է նաև Երևանում անցկացված Եվրոպական քաղաքական համայնքի 8-րդ գագաթնաժողովին՝ դարձյալ խստորեն քննադատելով Նիկոլ Փաշինյանին՝ Իլհամ Ալիևին մեծարելու համար։
«Էս ամեն ինչի մեջ ավելի շատ Ալիևին էին գովում, քան թե Եվրամիությանը, էդ ինչքան գովացին Ալիևին, առանց Ալիևի․․․ Երկրորդ խոսքը Ալիևն էր, երկրորդ խոսքն Ադրբեջանն էր»,- ասել է կալանավորված Վարդան Ղուկասյանը։
Աղբյուրը՝ aravot.am
