ԱՄՆ-ն և Իրանը անցած գիշեր հրթիռային հարվածներ են հասցրել միմյանց: Հաղորդվում է, որ ամերիկացի զինվորականները հրթիռով հարվածել են Բոտսվանայի դրոշի ներքո նավարկող դատարկ նավթատար տանկերի, որը շարժվում էր դեպի Իրանի Խարգ կղզու նավահանգիստ։
Տարածվել են պայթյունների կադրեր՝ պնդումներով, որ Իրանը հարվածել է ԱՄՆ-ի ամենախոշոր ռազմաբազային՝ Արիջֆան (Arifjan) բազային, ինչպես նաև Ալի ալ-Սալեմ ավիաբազային։
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Քուվեյթում տեղակայված ամերիկյան ռազմաբազաները հարձակման են ենթարկվել՝ «ի պատասխան Իրանի ազգային ինքնիշխանության դեմ ուղղված ագրեսիայի, որը կատարվել է Քեշմ կղզում»։ Օդային հարձակման նախազգուշացումներ են հնչել Սաուդյան Արաբիայում և ԱՄԷ-ում։
Այս երկրները, ինչպես նաև Քուվեյթն ու Բահրեյնը, փակել են իրենց օդային տարածքը։
ԱՄՆ Կենտրոնական հրամանատարությունն էլ իր հերթին հայտարարել է, որ ԱՄՆ-ն «ինքնապաշտպանության նպատակով» հարվածել է Իրանի Քեշմ կղզուն և խոցել մի շարք իրանական հրթիռներ ու դրոններ։
ԻՀՊԿ-ն հայտարարել է, որ ԱՄՆ-ի գործողություններին ի պատասխան հարվածներ է հասցրել Քուվեյթում գտնվող ամերիկյան ավիաբազային և ուղղաթիռային բազային, ինչպես նաև Բահրեյնում գտնվող ԱՄՆ 5-րդ նավատորմի շտաբին։
ԱՄՆ-ն հերքել է Իրանի հարվածների հաջողությունը Բահրեյնում գտնվող 5-րդ նավատորմի շտաբի և Քուվեյթի ավիաբազայի դեմ։ Ավելի ուշ նաև հայտարարվել է, որ Քուվեյթի բազայի դեմ իրանական դրոնների նոր ալիքը նույնպես չի կարողացել խոցել նախատեսված թիրախները։
Աղբյուրը՝ oragir.news
