Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Մոսկվան երբեք չի դիտարկի Ուկրաինայի նախագահ Վլադիմիր Զելենսկուն որպես օրինական բանակցող կողմ։
«Զելենսկին երբեք չի կարող լինել մեր երկրի համար օրինական բանակցող կողմ, առավել ևս՝ անձ, որը կարող է ստորագրել հանձնման ակտ»,— գրել է Մեդվեդևը ռուսական Max ազգային մեսենջերում։
Նա նաև հավելել է. «Կցանկանայի նշել, որ Հիտլերը չէր կարող մասնակցել բանակցություններին, քանի որ նա Հիտլերն էր։ Այդ պատճառով Գերմանիայի անվերապահ հանձնման ակտը ստորագրել են զինված ուժերի հրամանատարության ղեկավար, ֆելդմարշալ Վիլհելմ Կայտելը, գեներալ-գնդապետ Հանս-Յուրգեն Շտումփֆը և ծովակալ Հանս-Գեորգ ֆոն Ֆրիդեբուրգը»,— նշել է Մեդվեդևը։ Այս մասին հայտնում է TASS-ը:
