Իրանի դեմ պատերազմի համար նախատեսված զենքի պաշարների սպառման հետ մեկտեղ՝ ԱՄՆ նախագահ Դոնալդ Թրամփը կարող է օգտագործել իր «վերջին հաղթաթուղթը», որը ենթադրում է Թեհրանի դեմ ցամաքային գործողություն սկսել և երկրի քաղաքացիական ենթակառուցվածքները թիրախավորել։ Այս մասին Gazeta.Ru-ին ասել է ամերիկացի քաղաքագետ Մալեք Դուդակովը։
Նա կարծում է, որ Թրամփը, ի վերջո, կարող է նույնիսկ զիջումների գնալ Իրանին։
«Մենք տեսնում ենք, որ Միացյալ Նահանգները խրված է այս հակամարտության մեջ՝ սպառելով իր զենքի պաշարները, այդ թվում՝ նույն բարձր ճշգրտության «Տոմահավկ» հրթիռները։ Հակահրթիռային պաշտպանության համակարգերի հետ կապված իրավիճակն ավելի վատ է։ Թրամփի վարչակազմի համար ոչ մի լավ բան չի սպասվում։ Կարծում եմ՝ նրանք անպայման կփորձեն օգտագործել իրենց վերջին հաղթաթուղթը մինչև ապրիլի վերջ։ Սա, նախ, Իրանի քաղաքացիական ենթակառուցվածքները թիրախավորելու հնարավորությունն է։ Եվ երկրորդ՝ ԱՄՆ հատուկ նշանակության ուժերի և ծովային հետևակի զորքերի տեղակայումը Իրանի տարածքում որոշակի սահմանափակ ցամաքային գործողության մեջ։ Սա կհանգեցնի ամերիկյան զինվորականների կորուստների, և սա ավելի կթուլացնի Թրամփի դիրքերը ինչպես ներքին, այնպես էլ միջազգային ասպարեզում», — կարծում է ամերիկանագետը։
Դուդակովի խոսքով՝ հաշվի առնելով ԱՄՆ ռազմական ապարատի թուլացումը և ԱՄՆ-ում դեմոկրատների կողմից Իրանի դեմ գործողությանը դիմադրությունը, Թրամփը «ստիպված կլինի համաձայնել Իրանի պայմաններին, գոնե որոշակի չափով»։
Աղբյուրը՝ lurer.com
