Մենք միշտ սերտ կապեր ենք պահպանել Ռուսաստանի հետ հարցերի լայն շրջանակի, հատկապես տարածաշրջանային խնդիրների շուրջ։ Այս մասին ասված է Իրանի արտաքին գործերի նախարար Աբաս Արաղչիի հայտարարության մեջ։
«Ինչ վերաբերում է Պակիստանին, ապա վերջին շրջանում այն կարևոր միջնորդական դեր է խաղացել իրանա-ամերիկյան բանակցություններում, ուստի անհրաժեշտ էր քննարկել վերջին զարգացումները։ Չնայած գրանցված առաջընթացին՝ ԱՄՆ-ի անհարկի մեծ պահանջները թույլ չտվեցին, որ բանակցությունների նախորդ փուլը հասնի իր նպատակին։ Այդ իսկ պատճառով կարևոր էր ստեղծված իրավիճակը քննարկել Պակիստանի մեր գործընկերների հետ։
Մենք արդյունավետ խորհրդակցություններ ենք անցկացրել Պակիստանի մեր գործընկերների հետ։ Այցը շատ հաջող էր. քննարկեցինք այն պայմանները, որոնց դեպքում բանակցությունները կարող են շարունակվել։ Ամեն դեպքում, իրանցի ժողովրդի քառասնօրյա հերոսական դիմադրությունը պետք է հիմք հանդիսանա, որպեսզի մենք կարողանանք պաշտպանել մեր ժողովրդի իրավունքներն ու երկրի շահերը։
«Հորմուզի նեղուցով անվտանգ նավարկությունն առանցքային խնդիր է, և մենք ու Օմանը՝ որպես նեղուցի երկայնքով տեղակայված երկու երկրներ, պետք է սերտորեն համագործակցենք մեր ընդհանուր շահերն ապահովելու համար։ Այս հարցում ձեռնարկվող ցանկացած քայլ ուղղակիորեն առնչվում է թե՛ Իրանի, թե՛ Օմանի շահերին», — նշել է Արաղչին։
Աղբյուրը՝ news.am
