Շիական «Անսար Ալլահ» շարժումը (հուսիթները) ստանձնել է Իսրայելի վրա հրթիռային հարձակման պատասխանատվությունը, հաղորդում է «Ալ Ջազիրան» շաբաթ օրը։
«Իրանի կողմից աջակցվող հուսիթ ապստամբները ստանձնել են Իսրայելի վրա հրթիռային հարձակման պատասխանատվությունը, որը Մերձավոր Արևելքի պատերազմի սկսվելուց ի վեր առաջինն է», — հաղորդել է հեռուստաալիքը։
«Ալ Ջազիրան» մեջբերում է հուսիթների բրիգադային գեներալ Յահյա Սարիի խոսքերը, որ հարձակումները «կշարունակվեն մինչև նշված նպատակներին հասնելը, (…) և մինչև բոլոր դիմադրության ճակատների դեմ ագրեսիայի դադարեցումը»։
եկ օր առաջ CNN-ը, հղում անելով շարժման տեղեկատվության փոխնախարար Մոհամմեդ Մանսուրին, հաղորդել էր, որ հուսիթները նույնպես կներգրավվեն Մերձավոր Արևելքում ընթացող հակամարտության մեջ, եթե ԱՄՆ-ն և Իսրայելը սաստկացնեն իրենց հարձակումները Իրանի վրա։
«Եթե Վաշինգտոնը և նրա դաշնակիցները սաստկացնեն իրենց գործողությունները Իրանի դեմ, Եմենը կկանխի նրանց և կմիջամտի», — CNN-ի կողմից ստացված հայտարարության մեջ ասել է Մանսուրին։
Հուսիթների առաջնորդ Աբդուլ-Մալիք ալ-Հուսիթին հայտարարել է, որ իր «Անսար Ալլահ» խմբավորումը պատրաստ է ռազմական գործողություններ սկսել տարածաշրջանում, եթե հանգամանքները պահանջեն դա։
