Իշխանությունը եկավ իր անշնորհք խոսույթներով, մարդկանց վարկաբեկելով՝ հաշվի չառնելով, որ դրանով իրենք մնալու են միայնակ և չեն կարողանալու լուծել մեր երկրի խնդիրները, ինչը մենք տեսանք:
Այս մասին «Ուժեղ Հայաստան» դաշինքի մաս «Նոր դարաշրջան» կուսակցության անդամների հետ հանդիպման ժամանակ ասաց Սամվել Կարապետյանը:
«Փոխանակ հենվեին թեկուզ և նախկին փորձառու մարդկանց վրա, իրենք սկսեցին իրենց զրոյական կետից և տարան մեր մի հայրենիքը նվիրեցին, երկրորդ հայրենիքը նույն ճանապարհի վրա են դրել: Դրա համար որոշեցինք կանգնեցնենք այս պրոցեսները, քանի որ սա ընդհանուր մեր հայրենիքի, մեր ազգի գործն է, մենք ազգովի պետք է վռնդենք սրանց իշխանությունից ու հետո միասին կառուցենք ուժեղ Հայաստան: Մենք պետք է շուտ ջնջենք մեր իրականությունից այս 8 տարին, որ մենք ունեցել ենք, դա մեր ազգի խայտառակության տարիներն են»,- ասել է Կարապետյանը:
Աղբյուրը՝ oragir.news
