ԱԺ Պետական-իրավական հարցերի մշտական հանձնաժողովի նիստում այսօր պետք է քննարկվեր «Պատիվ ունեմ» խմբակցության հեղինակած «Պետություն-ազգային եկեղեցի հարաբերությունների ներկա վիճակի առնչությամբ» հայտարարության նախագիծը։ Հանձնաժողովի նախագահի տեղակալ Արուսյակ Ջուլհակյանն ասաց, որ «Ազգային ժողովի կանոնակարգ» սահմանադրական օրենքի 71-րդ հոդվածի 3-րդ մասի համաձայն՝ այս նախագծի քննարկումը հետաձգվում է մինչև երկամսյա ժամկետով։
Հայտարարության նախագիծը պետք է ներկայացներ «Պատիվ ունեմ» խմբակցության ղեկավար Հայկ Մամիջանյանը։
«Հարցը հետևյալն է, որ պարոն Մամիջանյանը տեղեկացրել է, որ ապրիլի 2-ին իրենք կազմակերպում են լսումներ այդ հայտարարության տեքստի վերաբերյալ, և հնարավոր է, որ այդ լսումների արդյունքներով՝ իրենք ստիպված լինեն վերամշակել այդ հայտարարության տեքստը։ Հետևաբար, պարոն Մամիջանյանը խնդրում է մինչև երկու ամիս ժամկետով հետաձգել այս հայտարարության տեքստի քննարկումը»,- նշեց Արուսյակ Ջուլհակյանը։
«Պատիվ ունեմ» խմբակցությունը որոշել է ապրիլի 2-ին այս հարցով լսումներ կազմակերպել։ Եվ դա է պատճառը, որ դիմել են հայտարարության նախագիծը երկու ամսով հետաձգելու համար։
Աղբյուրը՝ aravot.am
