Ռուսաստանը ընդլայնել է Հայաստանից ձկնային արտադրանքի մատակարարումների նկատմամբ սահմանափակումները՝ մինչև ավելի վաղ հայտնաբերված խախտումների վերացումը ժամանակավորապես կասեցնելով ևս երկու հայկական ձեռնարկությունների արտադրանքի սերտիֆիկացումը, ՏԱՍՍ-ին հայտնել են Ռոսսելխոզնադզորից։ Այսպիսով, Հայաստանից ձկնային ամբողջ արտադրանքի մատակարարումները կասեցվել են։Գերատեսչությունում հիշեցրել են, որ ավելի վաղ համակարգային խախտումների արդյունքներով Ռոսսելխոզնադզորը խնդրել էր հայկական կողմին ժամանակավորապես կասեցնել ողջ ձկնային արտադրանքի սերտիֆիկացումը՝ բացառությամբ այն ձեռնարկությունների, որոնք անմիջականորեն մասնակցել էին ստուգմանը՝ «ՄՖ Էքսպորտ» ՍՊԸ-ն և «Ինվեստ պլյուս» ՍՊԸ-ն։ Նշված ձեռնարկությունների նկատմամբ սահմանվել էր ուժեղացված լաբորատոր հսկողության ռեժիմ։ «Հետագայում նյութերի վերլուծության ընթացքում պատրաստվել է նախնական հաշվետվություն, և մինչև հայտնաբերված խախտումների վերացումը ու անհրաժեշտ հաստատող նյութերի ներկայացումը որոշում է կայացվել ժամանակավորապես կասեցնել նշված ձեռնարկությունների արտադրանքի սերտիֆիկացումը», — հայտնել են Ռոսսելխոզնադզորից։
Այստեղ ընդգծել են, որ գերատեսչությունն աշխատում է հայկական կողմի հետ՝ ռուսական շուկա մատակարարման համար նախատեսված ձկան և ձկնային արտադրանքի անվտանգության ապահովման ուղղությամբ։
